শ্বহীদ প্ৰণামো তোমাক

শ্বহীদ প্ৰণামো তোমাকঃ

“অসম আন্দোলনৰ প্ৰথম শ্বহীদ খৰ্গেশ্বৰ তালুকদাৰে ১৯৭৯ চনৰ ১০ ডিচেম্বৰত প্ৰাণ হেৰুৱাইছিল আৰু সেই দিনটো অসমত শ্বহীদ দিৱস হিচাপে পালন কৰা হয়।”

 ১০ ডিচেম্বৰৰ দিনটো অসমত শ্বহীদ দিৱস হিচাপে পালন কৰা হয়। অসম আন্দোলনৰ আৰম্ভণি কালতে, ১৯৭৯ চনৰ, এই দিনটোতে লোকসভা নিৰ্বাচনৰ মনোনয়ন পত্ৰ দাখিলত বাধা দিবলৈ গৈ পুলিচৰ গুলীত প্ৰাণ আহুতি দিছিল খৰ্গেশ্বৰ তালুকদাৰে। সদৌ অসম ছাত্ৰ সন্থাই (আছু) প্ৰতিবছৰে ১০ ডিচেম্বৰৰ এই দিনটোত ছয় বছৰীয়া অসম আন্দোলনত জীৱন উৎসৰ্গা কৰা ৮৬০ জন শ্বহীদৰ স্মৃতিত শ্বহীদ দিৱস পালন কৰি আহিছে। বিগত কেইবছৰৰ পৰা শ্বহীদ দিৱসত অসম চৰকাৰৰ তৰফৰ পৰাও অসম আন্দোলনত মৃত্যুবৰণ কৰা বীৰ শ্বহীদসকলক শ্ৰদ্ধাৰে শ্ৰদ্ধাঞ্জলি জনাই অহা হৈছে।

অসম আন্দোলনৰ শ্বহীদসকলৰ নামঃ

অন্তৰীপ-অতুলনীয়ৰ সন্ধানত ২০১৯ ডিচেম্বৰ সংখ্যা

“অন্তৰীপ-অতুলনীয়ৰ সন্ধানত” ২০১৯ ডিচেম্বৰ সংখ্যাঃ

সমূহ পঢ়ুৱৈ সমাজলৈ আগন্তুক ইংৰাজী নৱবৰ্ষৰ আন্তৰিক শুভেচ্ছা জনাই আমাৰ TET Qualified Forum, Assam গ্ৰুপৰ মাহেকীয়া  ই-আলোচনী “অন্তৰীপ-অতুলনীয়ৰ সন্ধানত”ৰ ২০১৯ ডিচেম্বৰ মাহৰ সংখ্যাটি আগবঢ়ালোঁ।

  

আশাঁকৰো পূৰ্বৰ সংখ্যাকেইটিৰ দৰে এইবাৰৰ সংখ্যাটিও আঁদৰি লব।

আলোচনী খন পাবলৈ তলৰ লিংকত ক্লিক কৰক:

খং :এক সংক্ৰামক ব্যাধি

খং :এক সংক্ৰামক ব্যাধি

(অতুলনীয় অন্তৰীপ ২০১৯ নবেম্বৰ সংখ্যাত প্ৰকাশিত প্ৰবন্ধ)

খঙে মানুহৰ হিতাহিত জ্ঞানশূন্য কৰি সমুলাঞ্চে বুদ্ধি-বৃত্তি নাশ কৰে। অনিয়ন্ত্ৰিত হয় মগজু। প্ৰাধান্য পাই আৱেগবিহ্বল মনটোই। লাভ-লোকচানৰ কথা মগজুৰ পৰা কৰ্পূৰৰ দৰে উৰি যায়। অনাকাংক্ষিত আৰু অনাদৃত বহু পৰিঘটনাৰ গুৰি বঠা ধৰে।

✍  নৱ ডেকা, পূব-জ্যোতিনগৰ

খং! অতিকৈ চিনাকি এটি কুৰুচিপূৰ্ণ আৰু জ্বলাতন শব্দ। আখৰুৱা বতৰৰ দৰে ই ক'ত, কেতিয়া কেনেকৈ উঠি যায় তাক তলকিবৈ নোৱাৰি। সৰু সৰু কথাতে কেতিয়াবা বৰকৈ খং উঠা দেখা যায়। কেতিয়াবা আকৌ কটু কথাটো খং উঠা দেখা নাযায়। আচলতে মানুহ জনৰ সামগ্ৰিক পৰিবেশতন্ত্ৰটোৰ ওপৰত বহুখিনি নিৰ্ভৰশীল। পৃথিৱীত এনেকুৱা এজন মানুহ নোলাব কিজানি যাৰ জীৱনত এদিনৰ বাবে এবাৰৰ কাৰনে হলেও খং উঠা নাই। একে উশাহতে কব পাৰি সদ্যোজাত নবজাতকৰ পৰা আৰম্ভ কৰি মৃত্যু দুৱাৰডলিৰ ক্ষণ গণি থকা মুমূৰ্ষু ব্যক্তিলৈ কোনেও সাৰি নাযায় এই আপদীয়া খং নামৰ চণ্ডালটোৰ পৰা। গতিকে খঙৰ তিতা-কেঁহা সোৱাদ নিজেও পাই আৰু আনকো সংক্ৰামক ব্যাধি ৰূপে বিয়পায়। নিজেটো ধ্বংসৰ দেওলগা বতাহৰ বিষময় বা লয়ে লগতে আনকো বিষাক্ত বা লবলৈ বাধ্য কৰায়। মুঠতে বন্দী বিহংগৰ দৰে ধৰফৰাই থাকিব ল'গাত পৰে।

অন্ধবিশ্বাস আৰু শিক্ষিত সমাজ

অন্ধবিশ্বাস আৰু শিক্ষিত সমাজ

(অতুলনীয় অন্তৰীপ ২০১৯ নবেম্বৰ সংখ্যাত প্ৰকাশিত প্ৰবন্ধ)

“এইখন অসমতে এটাৰ পিছত এটা অন্ধবিশ্বাসৰ ভয়াবহ কৰুণ কাহিনীয়ে কপাই আছে। বিভিন্ন প্ৰান্তত কিমান নিৰীহ পৰিয়ালৰ প্ৰান গৈছে তাৰ হিচাব নাই। আসুৰিক প্ৰকৃতিৰ একোজন নৰপিশাছে বহুতো পৰিয়ালৰ দুৰ্দশাৰ দিনত ভালৰ দিন মাতি অনাৰ নামত নৰবলিৰ দৰে অমানৱীয় কাৰ্য্যও সংঘটিত কৰিছে।”

বিন্দু কলিতা ৰাজবংশী, মংগলদৈ

দেশত মানুহ যিমানেই শিক্ষিত আৰু আধুনিক হৈছে সিমানেই কিন্তু অন্ধবিশ্বাস আৰু কু-সংস্কাৰৰ প্ৰভাৱেও আৱৰি পেলোৱা দেখা গৈছে। বৰ্তমান সমাজৰ অশিক্ষিত লোকসকলতকৈও শিক্ষিত লোকৰ মাজত অন্ধবিশ্বাসৰ গূৰুত্ব বহুত বেছি পৰিলক্ষিত হয়। এজন লোকে যিমানেই সুন্দৰ পোছাক পৰিধান নকৰক কিয়, সমাজৰ আগশাৰীত বহি যিমানেই উদাৰতাৰ ফুলঝাৰি নামাৰক কিয় তেওঁৰ হাতৰ পাচোটা আঙুলিত পিন্ধি থকা গ্রহৰত্ন আঙুঠিকেইটাই প্ৰকৃত পৰিচয় দাঙি ধৰে। সচেতন আৰু উদাৰ ব্যক্তি সকলে সেই কথা বুজি উঠে। দেশৰ বেচি সংখ্যক নেতাই প্ৰতিটোক্ষণৰ বাবে খোজ দিয়াৰ সময়ত ঈশ্বৰৰ পৰিবৰ্তে কোনোবা জ্যোতিষী অথবা কোনোবা মৌলৱীৰ আদেশত আগবাঢ়ে। নিজক প্ৰতিস্থা কৰাৰ স্বাৰ্থত। তাৰ বাবে লাখ টকা ব্যয় কৰিবলৈ অকনো কুন্ঠাবোধ নকৰে। এখন দেশ বা ৰাজ্যৰ বৰমুৰীয়া সকলেই যেতিয়া অন্ধবিশ্বাসত মোহিত হৈ থাকে তেতিয়া সেইখন দেশৰ সাধাৰণ ৰাইজে কেনেকৈ কু-সংস্কাৰ মুক্ত হৈ পোহৰ দেখিব।

চাওলুং চ্যু-কা-ফা, চুকাফা দিৱস, অসম দিৱস সম্পৰ্কে কিছুকথা

চাওলুং চ্যু-কা-ফাঃ

চাওলুং চ্যু-কা-ফা, চুকাফা দিৱস বা অসম দিৱস সম্পৰ্কে কিছুকথাঃ

বৰ-অসম গঢ়াৰ ক্ষেত্ৰত চুকাফাৰ অৱদানলৈ শ্ৰদ্ধা জনাই ২ ডিচেম্বৰ তাৰিখটো সমগ্ৰ অসমবাসীয়ে ১৯৮৭ চনৰ পৰা ‘‘অসম দিৱস” বা ’’চুকাফা দিৱস” হিচাপে পালন কৰি আহিছে। ১২২৮ চনৰ ২ ডিচেম্বৰ (১৬ আঘোণ) তাৰিখে চাওলুং চ্যুকাফাই পাটকাই পৰ্বত পাৰ হৈ সৌমাৰ খণ্ডত ভৰি থোৱা ঐতিহাসিক দিনটোক চিৰস্মৰণীয় কৰি ৰখাৰ মানসেৰে ছৈখোৱা অঞ্চলৰ ভীমকান্ত বুঢ়াগোহাঁই নামৰ এজন ব্যক্তিয়ে ১৯৭২ চনত আৰম্ভ কৰা এক প্ৰচেষ্টাৰ ফলত এই দিৱসৰ আৰম্ভণি হয়।

চাওলুং চ্যু-কা-ফা(চুকাফা):

চাওলুং চুকাফা (ইংৰাজীঃ Sukapha , সম্পূৰ্ণ নামঃ Chao Lueng Sue ka pha , ৰাজত্বকালঃ ১২২৮-১২৬৮) মধ্যযুগীয় বৰ অসমৰ প্ৰথমজন চাওফা তথা টাই ৰাজ্য মৌঙ মাওৰ চাং বংশীয় চ্যু ফৈদৰ ৰাজকোঁৱৰ আৰু আহোম সাম্ৰাজ্যৰ প্ৰতিস্থাপক আছিল। মং মাওৰ শান ৰাজকুমাৰ চুকাফাই পাটকাই পৰ্বত পাৰ হৈ আহি ১২২৮ খ্ৰীষ্টাব্দত অসমত আহোম সাম্ৰাজ্যৰ প্ৰতিষ্ঠা কৰে আৰু ১২৫৩ চনত চে-ৰাই-ডয়তত স্থায়ীকৈ ৰাজধানী পাতে। চুকাফাই প্ৰতিষ্ঠা কৰা সাম্ৰাজ্যই ৬১০ বছৰ ধৰি সমগ্ৰ ব্ৰহ্মপুত্ৰ উপত্যাকাজোৰা আহোম সাম্ৰাজ্যৰ ভেটি প্ৰতিষ্ঠা কৰে। এই সময়ছোৱাত অসমত বাস কৰা সকলো জাতি-জনজাতিকে তেওঁ একত্ৰিত কৰে৷ সেয়ে বৰ অসম গঢ়াৰ ক্ষেত্ৰত অসম তথা অসমীয়া জাতিৰ বাবে চুকাফাৰ অৱদান সৰ্বস্ব। এনে কাৰণতে তেওঁৰ নামৰ আগতচাওলুং (চাও: ঈশ্বৰ , লুং: মহান) ব্যৱহাৰ হ'বলৈ ধৰে।